Virðisvøkstur í fiskivinnuni 2023 | Ráðstevna

Ráðstevna um virðisvøkstur í fiskivinnuni verður í Havn 08. juni 2023

Landsstýrið hevur sett sær fyri at tryggja størri virðisvøkstur í fiskivinnuni við at eggja vinnuni at nýskapa, virðisøkja og meirvirka tilfeingið. Sum liður í hesi tilgongd skipar Fiskivinnu- og samferðslumálaráðið fyri ráðstevnu um virðisvøkstur í fiskivinnuni á Hotel Føroyum hin 08. juni 2023. 

• Sí ráðstevnuskrá, trýst 'SKRÁ'

Gestarøðarar vera tveir granskarar, sum hava drúgvar royndir við virðisøking í fiskivinnuni:

Annar fyrilestrarhaldarin er Margareth Kjerstad úr Noregi, sum er granskingarleiðari á C Food Norway - ein fyritøka, ið framleiðir hágóðskuvørur burtur úr hjávørum, so sum høvd, bein og innvøli.

Hin er Sigurjón Arason úr Íslandi, yvirverkfrøðingur á Matís – eitt alment partafelag, sum m.a. hevur til endamáls at virka fyri nýskapan og virðisvøkstri í íslendskari matframleiðslu, og á hendan hátt styrkja kappingarførleikan hjá íslendskum útflytarum.

Eftir fyrilestrarnar frá gestarøðarunum verða framløgur frá umboðum úr føroysku fiskivinnuni, sum hava gjørt sær royndir innan økið. Hesar framløgur fara serliga at leggja dent á møguleikar, forðingar og hvat krevst fyri at menna hjávørur (høvd, innvøl o.a.) úr botnfiskiskapinum til hávirðisvørur, og at virðisøkja uppsjóvartilfeingið í størri mun enn gjørt verður í dag.

Skrá fyri dagin:

08.30  Móttøka

09.00 Stutt um dagin

09.10  Politiskar ætlanir og mál

              Dennis Holm, landsstýrismaður

STØÐULÝSING ÚR GRANNALONDUM

09.25 Nýmenning og virðisvøkstur

              Sæmundur Elíasson, Matís, Ísland

10.05 Vinnulig gagnnýtsla av nýggjum vørum, hjávørum og ikki-gagnnýttum tilfeingi

              Margareth Kjerstad, C Food Norway AS, Norra

10.45 Steðgur

HJÁVØRUR TIL HÁVIRÐISVØRUR

11.05 Royndarframleiðsla. At góðska avlopsvøru úr fiski- og alivinnuni

              Gunvør Balle, Atlantic Biotechnology PF, Oyri

11.25 Framleiðsla. At gagnnýta størri part av fiskinum

              Eirikur á Húsamørk, Faroe Marine Products PF, Leirvík

VIRÐISVØKSTUR, AT VÍÐKA UM VØRUVALIÐ OG FÁA BETRI MARKNAÐ

11.45 Sjónarmið hjá føroyskum framleiðarum um virðisøking av uppsjóvartilfeinginum - Møguleikar, forðingar og loysnir.

              Unn Laksá, Sjókovin

12.05 Marknaðarstøðan. Handilssáttmálar og marknaðaratgongd

              Elisabeth F. Rasmussen, Uttanríkis- og vinnumálaráðið

12.25 Miðmáli

UMRØÐA OG ORÐASKIFTI

Luttakarar, ið løgdu fram, eru í pallborði og leggja fram sjónarmið og svara spurningum

13.25 At nýskapa, virðisøkja og meirvirka tilfeingið - partur 1.

              Fiskiskapur og framleiðsla. Møguleikar og forðingar

14.05 At nýskapa, virðisøkja og meirvirka tilfeingið - partur 2.

              Útflutningur. Marknaðarrøkt og menning. Møguleikar og forðingar

14.45 Leiðin áfram

              Dennis Holm, landsstýrismaður

15.00 Endi á degnum

              Kaffi og te, áðrenn farið verður heim

Eru spurningar viðvíkjandi luttøkuni, ber til at seta seg í samband við fyriskiparan av tiltakinum:

- Advent Management, Ólavur í Geil, á tlf. 28 97 96, ella á telduposti advent@advent.fo

Verið vælkomin 😊